Viðskiptavinir

Við þjónustum yfir 500 ánægða viðskiptavini.

Happdrætti Háskóla Íslands hefur verið viðskiptavinir Öruggrar afritunar frá árinu 2010. Eftir að hafa skoðað ýtarlega hvað var í boði völdum við Örugga afritun. Það sem stóð upp úr var hátt öryggisstig, góð verð og 24/7 þjónusta. Ég gef þeim mín bestu meðmæli.

Hlynur Bjarnason, Kerfisstjóri

Við hjá Skatti & bókhaldi meðhöndlum fjárhags- og bókhaldsgögn auk annarra trúnaðargagna fyrir um þúsund viðskiptavini. Fátt er okkur mikilvægara en trúnaður og öryggi þeirra gagna sem við varðveitum. Skattur & bókhald hefur að undanförnu notast við afritunarþjónustu gagna frá Öruggri afritun. Eftir að hafa kynnt mér öryggisstaðla þeirra ítarlega komst ég að þeirri niðurstöðu að ég get treyst gögnum mínum í þeirra höndum. Ég get veitt fyrirtækinu mín bestu meðmæli, bæði hvað varðar vöru og þjónustu.

Árni Þór Hlynsson, Framkvæmdastjóri

Framtíðarsýn okkar er að vera leiðandi fyrirtæki á Íslandi í umhverfisstjórnun. Með samningi okkar við Örugga afritun erum við að stíga annað skref í þá átt. Nú getum við sagt að gögnin okkar séu afrituð í eitt grænasta gagnaver heims sem jafnframt er staðsett á Íslandi. Með tilkomu Öruggrar afritunar gafst okkur loksins kostur á því að afrita tölvugögnin með hagkvæmum hætti yfir í öruggt gagnaver.

Skúli Franz Hjaltason, Framkvæmdastjóri upplýsinga– og tæknisviðs

Um okkur

Góð, persónuleg þjónusta í öruggu umhverfi

Stefna fyrirtækisins hefur alltaf verið að bjóða upp á góða persónulega þjónustu í öruggu umhverfi á hagstæðum verðum. Það hefur skilað sér og vöxturinn heldur áfram. Við ætlum okkur að halda áfram að bjóða lág verð með háu þjónustu– og öryggisstigi.

Persónuverndarstefna
Persónuverndar- og öryggisstefna Öruggrar afritunar

Okkur hjá Öruggri afritun er umhugað um persónuvernd og öryggi þeirra upplýsinga sem fyrirtækið meðhöndlar. Í persónuverndar- og öryggisstefnu Öruggrar afritunar kemur fram hvaða persónuupplýsingum við söfnum, hvað gerum við þær og hvernig við tryggjum öryggi þeirra.

Hverjir erum við?
Örugg afritun ehf., kt. 710510-0160, er íslenskt fyrirtæki sem býður upp á eftirfarandi lausnir:

Skýja afritun
- Sýndarvéla afritun
- Afritun af einstaklingstölvum og netþjónum
- Vírusvarnir
- Tölvuumsjón
Hvaða persónuupplýsingum söfnum við?

Upplýsingar sem þú lætur okkur í té

Örugg afritun safnar upplýsingum um starfsmenn og viðskiptavini sem fyrirtækinu er skylt að varðveita í samræmi við lög og reglur, samninga, samþykki hins skráða eða vegna annarra lögmætra hagsmuna ábyrgðaraðila.

Þegar þú kemur í viðskipti til Öruggrar afritunar kunnum við að óska eftir persónuupplýsingum um þig, svo sem nafni, kennitölu, heimilisfangi, símanúmeri eða netfangi.

Eigi Örugg afritun í samskiptum við viðskiptavini sína, svo sem vegna úrlausna vandamála, fyrirspurna eða breytingar á þjónustu, þá er sú samskiptasaga geymd.

Upplýsingar sem við söfnum sjálfkrafa

Sá afritunarhugbúnaður sem við notum afritar sjálfkrafa skrár upp í gagnaver Öruggrar afritunar.

Þegar þú notar þjónustu Öruggrar afritunar getur verið að við söfnum sjálfkrafa tilteknum upplýsingum um tækið sem þú notar til að tengjast okkur. M.a. upplýsingum um hugbúnað og stýrikerfi, Internet Protocol-netfangið þitt og tímasetningu hverrar innsendrar beiðni.

Þegar þú notar afritunarþjónustu okkar munum við einnig fá upplýsingar um nöfn véla og harðra diska og gerðir, fjölda og stærð skráa sem fluttar eru.

Afritun gagna og flutningur

Öll gögn sem viðskiptavinur óskar eftir afritun og flutningi á er eign hans og hefur Örugg afritun engan aðgang að þeim nema í dulkóðuðu formi. Örugg afritun framfylgir hæstu stöðlum við dulkóðun gagna og eru þau dulkóðuð með AES 256 bita dulkóðun áður en þau fara frá viðskiptavinum okkar. Viðskiptavinur býr til og geymir lykilorð sem notaður er til afdulkóðunar að gögnunum hans. Lykilorðið fer ekki undir neinum kringumstæðum til Öruggrar afritunar eða út fyrir vél viðskiptavinar. Gagnaflutningur frá viðskiptavini til gagnavera Öruggrar afritunar fer um læsta dulkóðaða línu (https).

Upplýsingar sem við söfnum frá þriðja aðila

Örugg afritun safnar ekki upplýsingum frá þriðja aðila. Verði breyting á því verða viðskiptavinir látnir vita sérstaklega.

Það sem við gerum við persónuupplýsingar
Við söfnum upplýsingum um viðskiptavini okkar til að:
- Veita viðskiptavinum aðgang að vörum og þjónustu í samræmi við ákvæði viðskiptasamninga.
- Veita viðskiptavinum stuðning í gegnum netið og bregðast við fyrirspurnum.
- Bæta netkerfi okkar, vörur og þjónustu.
- Skilja hvernig þú notar vörur okkar og sérsníða að þínum þörfum.
- Senda þér þjónustupóst og markpóst, hafir þú valið slíka þjónustu.
- Komast að vandamálum á netþjónum eða öðrum vélum sem eru í afritun.
- Koma í veg fyrir misnotkun á vörum og þjónustu sem við bjóðum.
Það eru tvær tegundir af tölvupósti sem þú getur fengið frá Öruggri afritun:
1. Þjónustuskilaboð: Þjónustutengdir tölvupóstar, svo sem skýrslur um stöðu afrita eða vírusvarna, staðfesting á lykilorði, ábendingar um villur og hvað betur má fara við afritun og aðra þjónustu sem Örugg afritun veitir. Skilaboðin eru nauðsynlegur hluti af þeirri þjónustu sem Örugg afritun veitir þér. Til að hætta að fá þjónustupósta verður þú að skrá þig úr þjónustunni, fjarlægja hugbúnaðinn af þeim vélum í þinni eigu sem hann er á og láta tengilið þinn hjá Öruggri afritun vita.
2. Markpóstur: Fréttir frá Öruggri afritun, ábendingar, kynningar á nýrri þjónustu og svipað efni. Þegar þú býrð til eða færð aðstoð við að búa til aðgang og notanda hjá Öruggri afritun getur þú stjórnað tölvupóstsstillingunum þínum, þ.m.t valið að fá ekki markpóst. Þú munt einnig geta sagt upp áskrift hvenær sem er með því að nota “afskrá” hlekk sem er að finna í hverjum tölvupósti.
Hverjum við deilum upplýsingum þínum með

Örugg afritun miðlar ekki persónuupplýsingum um þig til þriðja aðila nema að fengnu samþykki þínu eða í kjölfar dómsúrskurðar.

Kökur ( e. cookies) og svipuð tækni notuð til rekjanleika

Við notum engar rafrænar kökur (e. cookies) eða neinn hugbúnað af neinu tagi til að safna upplýsingum í gegnum heimasíðu okkar. Ef slíkt breytist þá mun notendum netsíðu Öruggrar afritunar verða tilkynnt um slíkt.

Öryggi upplýsinga

Örugg afritun tryggir að öryggisráðstafanir séu gerðar til að tryggja hámarks öryggi gagna og persónuupplýsinga hverju sinni.
Þegar þú slærð inn persónulegar upplýsingar dulkóðum við þær upplýsingar með því að nota örugga samskiptaleið (SSL). Lykilorð viðskiptavina okkar eru ávallt dulkóðuð og hafa starfsmenn okkar ekki aðgang að þessum upplýsingum. Það er því mikilvægt að viðskiptavinir geymi slíkar upplýsingar örugglega hjá sér því án lykilorða er ekki hægt að endurheimta dulkóðuð gögn frá Öruggri afritun.
Við geymum ekki persónupplýsingar lengur en þörf er á samkvæmt samningi okkar við þig.

Persónuverndarréttindi þín

Fyrirspurnir um meðhöndlun persónuupplýsinga skal senda á netfangið privacy@oruggafritun.is.
Þú getur óskað eftir aðgangi að þeim persónuupplýsingum þínum sem Örugg afritun safnar um þig með því að senda póst á netfangið privacy@oruggafritun.is.
Þú hefur rétt á að afturkalla samþykki þitt fyrir notkun Öruggrar afritunar á persónuupplýsingum þínum.
Örugg afritun endurskoðar reglulega þessa persónuverndar- og öryggisstefnu.

Örugg afritun

allan sólarhringinn

Persónuverndar- og öryggisstefna Öruggrar afritunar

Hverjir erum við?

Hvaða persónuupplýsingum söfnum við?

Afritun gagna og flutningur

Upplýsingar sem við söfnum frá þriðja aðila

Það sem við gerum við persónuupplýsingar

Hverjum við deilum upplýsingum þínum með

Kökur ( e. cookies) og svipuð tækni notuð til rekjanleika

Öryggi upplýsinga

Persónuverndarréttindi þín